વિન્ધામના શેરધારકોને સમયમર્યાદા પહેલા શેર ટેન્ડર કરવા કહેતી ચોઇસ

યુએસ સેનેટરે FTC ને મોકલેલા પત્રમાં પ્રસ્તાવિત મર્જરને નકારવા કમિશનને વિનંતી કરી

0
376
મેસેચ્યુસેટ્સની સેનેટર એલિઝાબેથ વોરેને ફેબ્રુઆરી 28 ના રોજ FTC ચેરવુમનલીના ખાનને એક પત્ર મોકલ્યો. આ પત્રમાં ચોઈસ હોટેલ્સ ઈન્ટરનેશનલના વિન્ધામ હોટેલ્સ એન્ડ રિસોર્ટ્સના સૂચિત સંપાદનને મંજૂરી ન આપવા કમિશનને વિનંતી કરી હતી. વોરેને કહ્યું કે ચોઈસ/વિન્ધામ સંયોજન "ઉદ્યોગસાહસિક ફ્રેન્ચાઈઝીને નુકસાન પહોંચાડશે અને સમગ્ર દેશના ગ્રાહકોને હોટલના ઊંચા દરની સ્થિતિનો સામનો કરવાનો આવશે."

ચોઈસ હોટેલ્સ ઈન્ટરનેશનલે વિન્ધામ હોટેલ્સ એન્ડ રિસોર્ટના શેરધારકોને સૂચિત એક્વિઝિશન માટે શેર્સ ટેન્ડર કરવા માટે 8 માર્ચની સમયમર્યાદા સાથે છેલ્લી ઘડીની અપીલ જારી કરી હતી. તે જ સમયે અમેરિકન સેનેટરે સૂચિત વિલીનીકરણ અંગે ચિંતા વ્યક્ત કરતા ફેડરલ ટ્રેડ કમિશનને પત્ર લખ્યો છે.

ચોઇસે એક નિવેદનમાં જણાવ્યું હતું કે, દરખાસ્તનું ભાવિ વિન્ધામ શેરધારકોને શેરની ટેન્ડરિંગ દ્વારા કેટલો રસ દર્શાવે છે તેના પર આધારિત હોઈ શકે છે. કંપનીએ ધ્યાન દોર્યું હતું કે શેરધારકો તેમના શેર ટેન્ડર કરે તેનો અર્થ એવો નથી કે તેઓએ ચોઇની વર્તમાન ઓફર સ્વીકારી લીધી છે અથવા તેઓ ચોઇસની વર્તમાન ઓફર સ્વીકારવા બંધાઈ ગયા છે.

“ટેન્ડરિંગ કરવામાં આવેલા શેર વિન્ધામના બોર્ડ ઓફ ડિરેક્ટર્સને વ્યવહારની શરતો પર સર્વસંમતિપૂર્ણ કરાર સુધી પહોંચવા માટે ચોઇસ સાથે રચનાત્મક રીતે જોડાવા માટે સ્પષ્ટ સંદેશ મોકલશે,” એમ ચોઈસે જણાવ્યું હતું. “શેરધારકોની આ ભાગીદારીના આધારે ચોઈસ એક્સચેન્જ ઓફરને લંબાવવા અથવા સમાપ્ત કરવાનો ઇરાદો ધરાવે છે અને વિન્ધામના બોર્ડ ઓફ ડિરેક્ટર્સના સ્વતંત્ર ડિરેક્ટર્સની ચૂંટણી તેના નામાંકન સાથેના આગળના પગલાની સમીક્ષા કરશે.”

જો ચોઇસ એક્સ્ટેંશનની સૂચના આપે તો શેરધારકો ટેન્ડર કરાયેલા કોઈપણ શેરને પાછી ખેંચી શકે છે, જે તેણે 11 માર્ચના રોજ સવારે 9 વાગ્યા પહેલાં કરવું જરૂરી છે, કંપનીએ જણાવ્યું હતું.

ઑક્ટોબરમાં સાર્વજનિક કરાયેલા તેના મૂળ પ્રસ્તાવમાં, ચોઈસે જણાવ્યું હતું કે તેણે વિન્ધામના તમામ બાકી શેર પ્રતિ શેર $90ના ભાવે હસ્તગત કરવાની માંગ કરી હતી અને શેરધારકોને તેમની માલિકીના દરેક વિન્ડહામ શેર માટે $49.50 રોકડ અને 0.324 ચોઈસ કોમન સ્ટોક પ્રાપ્ત થશે તેમ જણાવ્યું હતું. ચોઈસનો દાવો હતો કે તેની વિન્ધામના 30-દિવસના વોલ્યુમ-વેઇટેડ એવરેજ ક્લોઝિંગ પ્રાઈઝનું 30 ટકા પ્રીમિયમ હતી, જે ઑક્ટો. 16 ના રોજ સમાપ્ત થઈ હતી. આ ઓફર વિન્ધામની 52 સપ્તાહની ટોચથી 11 ટકા પ્રીમિયમે અને વિન્ધામના નવીનતમ બંધ ભાવનું 30 ટકા પ્રીમિયમે હતી.

વિન્ધામના બોર્ડે ચોઈસની દરખાસ્તને સર્વસંમતિથી નકારી કાઢી, તેને અવાંછિત, “અત્યંત શરતી” ગણાવી હતી અને શેરધારકોના શ્રેષ્ઠ હિતમાં ન હોવાનું જણાવ્યું હતું. જોકે, 14 નવેમ્બરના રોજ, ચોઈસે ફેડરલ રેગ્યુલેશન્સને ક્લીયર કરવા અંગે વિન્ધામની ચિંતાઓને દૂર કરવાના હેતુથી વિન્ધામ બોર્ડને “ઉન્નત પ્રસ્તાવ” સાથે પત્ર મોકલ્યો હતો. 12 ડિસેમ્બરના રોજ, ચોઈસે વિન્ધામને હસ્તગત કરવા માટે તેની જાહેર વિનિમય ઓફર શરૂ કરી અને 19 ડિસેમ્બરે વિન્ડહામ બોર્ડે સત્તાવાર રીતે ઓફરને નકારી કાઢી અને શેરધારકોને આ સોદા માટે શેરો ટેન્ડર ન કરવા વિનંતી કરી.

ફેબ્રુઆરીમાં, વિન્ડહામના પ્રેસિડેન્ટ અને સીઈઓ જ્યોફ બેલોટી અને ચોઈસના પ્રેસિડેન્ટ અને સીઈઓ પેટ પેશિયસ, મર્જરની ચર્ચા કરવા માટે તેમની કંપનીઓના અર્નિંગ કૉલ્સનો ઉપયોગ કર્યો. તેના સૌથી તાજેતરના નિવેદનમાં, ચોઈસ ભારપૂર્વક જણાવે છે કે તે તેની મૂળ ઓફર પર છે.

કંપનીએ જણાવ્યું હતું કે, “ચોઇસ તેની માન્યતામાં અડગ રહે છે કે તેનું અને વિન્ધામનું સંયોજન તમામ સ્ટોકહોલ્ડરો, ફ્રેન્ચાઇઝીઓ અને મહેમાનોને લાભદાયક મૂલ્ય પ્રદાન કરે છે અને એક વર્ષની પરંપરાગત સમયમર્યાદામાં નિયમનકારી મંજૂરીઓ પ્રાપ્ત કરશે.” “પરિણામે, ચોઈસ માને છે કે વિન્ધામના સ્ટોકહોલ્ડરોએ તેમના શેરો ટેન્ડર કરવા જોઈએ, જેથી કરીને વિન્ધામના બોર્ડને સ્પષ્ટ સંદેશો મોકલી શકાય કે તેઓ સોદાનું મહત્તમ મૂલ્ય મેળવવા યોગ્ય રીતે આ સોદા સાથે જોડાય.

ચિંતાજનક સ્થિતિ

મેસેચ્યુસેટ્સની સેનેટર એલિઝાબેથ વોરેને 28 ફેબ્રુઆરીના રોજ એફટીસીના ચેરવુમન લીના ખાનને એક પત્ર મોકલ્યો હતો, જેમાં તેમણે કમિશનને સંપાદનને મંજૂરી ન આપવા વિનંતી કરી હતી. વોરેને જણાવ્યું કે ચોઈસ/વિન્ધામ સંયોજન “ઉદ્યોગસાહસિક ફ્રેન્ચાઈઝીને નુકસાન પહોંચાડશે અને સમગ્ર દેશમાં ગ્રાહકોએ ઊંચા હોટેલ દરોની સ્થિતિનો સામનો કરવાનો આવશે.”

“ચોઈસ દ્વારા વિન્ધામનું ટેકઓવર અમેરિકામાં સૌથી મોટી બ્રાન્ડેડ હોટેલ ચેઇન બનાવશે, જેનાથી હોટેલ માર્કેટના વિશાળ હિસ્સા પર એક ચેઈનનો અંકુશ સ્થપાશે,” એમ વોરેને જણાવ્યું હતું. “જો ચોઈસ દ્વારા વિન્ધામનું ટેકઓવર સફળ થાય તો ચોઇસ કિંમતો વધારવા અને તેમનો નફો વધારવા માટે ઘટેલી સ્પર્ધાનો ઉપયોગ કરી શકે છે, જ્યારે ગ્રાહકો પાસે મુસાફરીના ઓછા વિકલ્પો છે તે હકીકતને છુપાવવા માટે ડઝનેક બ્રાન્ડનો ઉપયોગ કરી શકે છે.”

વોરેન વિલીનીકરણ માટે FTC અને યુએસ ડિપાર્ટમેન્ટ ઓફ જસ્ટિસની માર્ગદર્શિકા ટાંકે છે, જે સૂચવે છે કે કેવી રીતે સૂચિત વિલીનીકરણ બજારની સાંદ્રતાને અસર કરી શકે છે, જેનાથી સ્પર્ધા ઓછી થાય છે.

“વિન્ધામના ડેટા મુજબ, જો ચોઈસનું ટેકઓવર સફળ થાય, તો સંયુક્ત એન્ટિટી 57 ટકા ઈકોનોમી હોટેલ માર્કેટ અને 67 ટકા મિડસ્કેલ હોટેલ માર્કેટને દેશભરમાં નિયંત્રિત કરશે,” એમ વોરેને જણાવ્યું હતું. “અર્થતંત્ર હોટેલ માર્કેટ અને મિડસ્કેલ હોટેલ માર્કેટ પહેલેથી જ ખૂબ જ કેન્દ્રિત છે, FTC ના ધોરણો અનુસાર હરફિન્ડેલ-હિર્ચમેન ઇન્ડેક્સ પર અનુક્રમે 2,343 અને 2,877 સુધી પહોંચે છે, અને જો આ સોદો આગળ વધે તો તે અનુક્રમે 3,591 અને 5,011 સુધી પહોંચશે, એમ વિન્ધામ દ્વારા પ્રદાન કરવામાં આવેલા વિશ્લેષણમાં જણાવાયું હતું.”