આંતરરાષ્ટ્રીય હોટલ્સ ગ્રુપની એવિડ બ્રાન્ડમાં ઘણી નવી સંપત્તિઓ ઉમેરવામાં આવી છે, તેમાંથી ચાર એશિયન અમેરિકનોની માલિકીની છે. કોરોના મહામારી દરમિયાન માર્કેટની હાલની સ્થિતિ પ્રમાણે ડેવલોપર્સ માને છે કે જ્યારે અર્થતંત્ર આખરે સુધરે ત્યારે મિડસ્કેલ સારી સ્થિતિમાં રહેશે. ચાર હોટલો અલગ રાજ્યોમાં છે. બે શરુ થઈ છે અને બે આગામી ઉનાળામાં ખુલશે તેવી સંભાવના છે.
તે અહીં છેઃ-
- એવિડ હોટેલ ડેનવર એરપોર્ટ એરિયા : કોલોરાડો, જુલાઇમાં શરુ થઈ, 97 ઓરડાઓવાળી હોટલ ડેનવર ઇન્ટરનેશનલ એરપોર્ટ, ફ્લાયસેફ્ટી ઇન્ટરનેશનલ અને બકલે એરફોર્સ બેઝની નજીક છે. તેની માલિકી બેવુડ હોટલો સાથે ચેટ પટેલની છે.
- એવિડ હોટેલ નેશવિલેઃ ટેનેસ્સી ખાતેના લેબેનોનમાં, 6 જુને શરુ થઈ હતી. ટેનેસીમાં 87 રૂમો વાળી આ પ્રથમ એવિડ હોટેલ શરુ થઈ હતી. નેશવિલે ઈન્ટરનેશનલ એરપોર્ટ તથા કમ્બરલેન્ડ યુનિવર્સિટી અને વિલ્સન કાઉન્ટી ફાયરગ્રાઉન્ડથી 20 માઈલના અંતરે છે. આ પ્રોપર્ટીને કુનાલ શાહ અને તેમની પુત્રીઓએ હસ્તગત કરી હતી.
- એવિડ હોટેલ બોસ્ટોન લોગન એરપોર્ટઃ- મસ્સાચુસેટ્ટસ ખાતેના રિવેરેમાં આ હોટેલ આગામી ઉનાળા બાદ શરુ થશે. આ 104 રૂમની હોટેલ બોસ્ટોન લોગન એરપોર્ટ તથા લોકલ એટ્રેક્શન રમની માર્શ રીઝર્વેશન વાઈલ્ડલાઈફ રીઝર્વ અને એટલાન્ટીક કોસ્ટના રીવેરે બીચની નજીકમાં છે. આ પ્રોપર્ટીને કેતન પટેલ તથા બિજલ હોસ્પિટાલિટીએ હસ્તગત કરેલ છે.
- એવિડ હોટેલ ફોર્ટ વોર્થઃ ફોસિલ ક્રિક ટેક્સાસઃ આ હોટેલ આગામી ઉનાળા બાદ શરુ થવાની શક્યતાઓ છે. 87 રૂમની આ હોટેલ ટેક્સાસ ક્રિસ્ચિયન યુનિવર્સિટી અને ટેક્સાસની કેટલીક બિઝનેસિસ અને ફેડરલ એજન્સીઓની બ્રાન્ચ જેમકે યુ એસ ડીપાર્ટમેન્ટ ઓફ ટ્રેઝરી, યુએસ ડિફેન્સ ડિપાર્ટમેન્ટ, ઈન્ટરનલ રીવ્યૂ સર્વિસ, અને ફેડરલ બ્યૂરો ઓફ ઈન્વેસ્ટીગેશનની નજીકમાં છે. આ પ્રોપર્ટીને કલ્પેશ પટેલ અને બફેલો બિલ્ડર દ્વારા હસ્તગત કરાઈ છે.
બેવુડ હોટેલ્સના વરિષ્ઠ ઉપપ્રમુખ કહે છે કે બેવુડ હોટેલ્સમાં અમારું માનવું છે કે, વ્યાપાર અને લેઝર બંનેની મુસાફરીમાં સામાન્ય રિકવરી જોવા મળે છે, કારણ કે આપણે મહામારીના સમયમાં આગળ વધીએ છીએ, એવિડ હોટલો મુસાફરીની વર્તમાન ગ્રાહકની માંગને સંતોષવા માટે સારી સ્થિતિમાં છે, જ્યારે ભવિષ્યમાં મુસાફરીની માંગને પણ ટેકો આપે છે.
આઇએચજી પાસે પાઇપલાઇનમાં 200 થી વધુ એવિડ હોટલો છે, જેમાં 40 બાંધકામ હેઠળ છે અને કંપની દ્વારા સુપરત કરેલી અથવા મંજૂરીવાળી યોજનાઓ સાથે 90 થી વધુનો સમાવેશ થાય છે.
