હોટેલ એસોસિએશનોએ સૂચિત ફેડરલ અને નવા રાજ્ય કાયદાઓનું સ્વાગત કર્યુ

પ્રસ્તાવિત ફેડરલ કાયદો સંયુક્ત એમ્પ્લોયરની વ્યાખ્યાને સ્પષ્ટ કરશે, ટેનેસી કાયદો નાના વ્યવસાયોના સ્થાનિક સરકારી નિયમોને મર્યાદિત કરે છે

0
648
કૅપ્શન: AAHOA તાજેતરમાં યુએસ હાઉસ ઑફ રિપ્રેઝન્ટેટિવ્સ અને સેનેટમાં રજૂ કરેલા સેવ લોકલ બિઝનેસ એક્ટ માટે સમર્થન જારી કર્યું છે જે સંયુક્ત નોકરીદાતાઓની ફેડરલ વ્યાખ્યાઓને સ્પષ્ટ કરશે. ઉપરાંત, અમેરિકન હોટેલ એન્ડ લોજિંગ એસોસિએશને 28 એપ્રિલના રોજ ગવર્નj બિલ લી દ્વારા કાયદામાં હસ્તાક્ષર કરાયેલ પ્રોટેકટીંગ ટેનેસી બિઝનેસ એન્ડ વર્કર્સ એક્ટનું સ્વાગત કર્યું, જે સ્થાનિક સરકારોને એવા નિયમો પસાર કરવાથી અટકાવશે જે નાના વેપારીઓ દ્વારા કર્મચારીઓના નક્કી કરવામાં આવતાકામના કલાકો, સમયપત્રક અને ઉત્પાદકતા પર અસર કરે છે.

હોસ્પિટાલિટી ઈન્ડસ્ટ્રી એસોસિએશન્સ બે કાયદાઓનું સ્વાગત કરે છે, એક ફેડરલ સ્તરે પ્રસ્તાવિત અને બીજો ટેનેસી રાજ્ય દ્વારા પસાર કરવામાં આવ્યો છે. સંયુક્ત નોકરીદાતાઓને વ્યાખ્યાયિત કરવા અંગેના ફેડરલ કાયદાની લાંબા સમયથી રાહ જોવાતી હતી તે સ્પષ્ટતા છે અને ટેનેસી કાયદો રાજ્યની સ્થાનિક સરકારોને નાના વ્યવસાયોને અસર કરતા નિયમો ઘડવા પર અંકુશ મૂકે છે.

સ્પષ્ટ વ્યાખ્યા

સેવ લોકલ બિઝનેસ એક્ટની આવૃત્તિઓ તાજેતરમાં યુએસ હાઉસ ઓફ રિપ્રેઝન્ટેટિવ્સ અને સેનેટમાં રજૂ કરવામાં આવી હતી. બિલના પ્રાયોજકો કહે છે કે આ બિલ શ્રમ વિભાગના સૂચિત નવા સંયુક્ત એમ્પ્લોયર નિયમો અંગે સ્પષ્ટતા પ્રદાન કરશે જેમાં તાજેતરમાં બહુવિધ ફેરફારો થયા છે, જે કાનૂની મૂંઝવણ તરફ દોરી જાય છે.

“જો ફેડરલ સરકાર નિયમોમાં ફેરફાર કરતી રહે તો તમે વ્યવસાય ચલાવવા પર ધ્યાન કેન્દ્રિત કરી શકતા નથી. સેવ લોકલ બિઝનેસ એક્ટ લાંબા સમયથી બાકી રહેલી સ્પષ્ટતા અને સુસંગતતા પ્રદાન કરે છે જે આપણા દેશના નાના વ્યવસાયોનું રક્ષણ કરશે,” એમ  બિલના પ્રાયોજકોમાંના એક, યુએસ સેન રોજર માર્શલે જણાવ્યું હતું. “બિડેન એડમિનિસ્ટ્રેશનના શ્રમ વિભાગે વ્યવસાયિક સમુદાયને સ્પષ્ટ માર્ગદર્શન આપવાને બદલે સંયુક્ત નોકરીદાતાઓને હેન્ડલ કરવા માટે કોર્ટના જટિલ ચુકાદાઓ પર આધાર રાખ્યો છે. આર્થિક મુશ્કેલીના સમયમાં આપણે આપણા દેશના નાના ઉદ્યોગોને મદદ કરવા માટે શક્ય તેટલું બધું જ કરવું જોઈએ. સરકારી નિયમોના કારણે ઉદ્યોગ અસ્તવ્યસ્ત થવો ન જોઈએ કે મુશ્કેલીમાં મૂકાવવો ન જોઈએ.

સેવ લોકલ બિઝનેસ એક્ટ નેશનલ લેબર રિલેશન્સ એક્ટ અને ફેર લેબર સ્ટાન્ડર્ડ્સ એક્ટમાં સુધારો કરશે તે સ્પષ્ટ કરવા માટે કે બે કે તેથી વધુ એમ્પ્લોયર પાસે કર્મચારીઓ પર “વાસ્તવિક, પ્રત્યક્ષ અને તાત્કાલિક” નિયંત્રણ હોવું જોઈએ જેથી તેઓ સંયુક્ત નોકરીદાતા ગણાય. માર્શલની ઑફિસના જણાવ્યા મુજબ, વ્યવસાયો અને તેમના કર્મચારીઓને સરકારી અતિરેકથી બચાવવા માટે “એમ્પ્લોયરની કોમનસેન્સ વ્યાખ્યા” પ્રદાન કરતી, નોકરીના સર્જનને જોખમમાં મૂકતી ગૂંચવણભરી સંયુક્ત એમ્પ્લોયર યોજનાને પણ પાછી ખેંચી લેશે.

નવેમ્બરમાં, AAHOA એ રાષ્ટ્રીય શ્રમ સંબંધો બોર્ડને ઔપચારિક ટિપ્પણી સબમિટ કરીને સૂચિત સંયુક્ત એમ્પ્લોયર સ્ટાન્ડર્ડ વિશે તેની ચિંતા વ્યક્ત કરી, એક નિવેદનમાં જણાવાયું છે. AAHOA એ સૂચિત નિયમનો વિરોધ કરતી ડેમોક્રેટિક વર્કપ્લેસ માટે ગઠબંધન દ્વારા સુપ્રદ કરેલી ટિપ્પણીઓમાં પણ સહી કરનાર એક હતી.

AAHOAએ જણાવ્યું હતું કે કર્મચારીઓ પર નિયંત્રણની સૂચિત બિલની વ્યાખ્યામાં કર્મચારીઓને નોકરી પર રાખવા અને છૂટા કરવા, કર્મચારીના પગાર અને લાભો નક્કી કરવા, કર્મચારીઓની રોજિંદી દેખરેખ અને વ્યક્તિગત કામના સમયપત્રક, હોદ્દા અને કાર્યો સોંપવાનો સમાવેશ થાય છે.

“આ બિલ સંયુક્ત એમ્પ્લોયરની કોમનસેન્સ વ્યાખ્યાને પુનઃસ્થાપિત કરે છે જે અમારા નાના-વ્યવસાય હોટલ માલિકો માટે નિશ્ચિતતા અને સ્થિરતા પ્રદાન કરે છે,” એમ AAHOAના પ્રમુખ અને સીઇઓ લૌરા લી બ્લેકે જણાવ્યું હતું. હજારો AAHOA સભ્ય હોટેલિયર્સ દ્વારા ફ્રેન્ચાઈઝીના કર્મચારીઓને ફ્રેન્ચાઈઝર્સ દ્વારા સંયુક્ત રીતે રોજગારી તરીકે ગણી શકાય કે કેમ તે અંગે મૂંઝવણ દૂર કરીને, સંયુક્ત રોજગારની વ્યાખ્યા સ્પષ્ટ કરીને, સેવ લોકલ બિઝનેસ એક્ટ નાના-વ્યાપારી હોટલ માલિકોને તેઓને જરૂરી અનુમોદન પૂરુ પાડશે. તેના લીધે તેઓ કર્મચારીઓમાં રોકાણ કરવા અને તેમના વ્યવસાયમાં વૃદ્ધિ કરવા મુક્ત હશે.”

AAHOAના ચેરમેન ભરત પટેલે જણાવ્યું હતું કે, સેવ લોકલ બિઝનેસ એક્ટ હોટલ જેવા નાના વ્યવસાયો માટે સ્થિર વાતાવરણ બનાવવાના મહત્વને ઓળખે છે.

પટેલે જણાવ્યું હતું કે, “સૂચિત સંયુક્ત એમ્પ્લોયર નિયમ એવા સમયે આવે છે જ્યારે AAHOA સભ્યો હજુ પણ રોગચાળાના પડકારો પછી ફરી એકવાર તેમના વ્યવસાયોને નફાકારક બનાવવા માટે સખત મહેનત કરી રહ્યા છે.” “અમે કોંગ્રેસ અને બિડેન વહીવટીતંત્રને આ કાયદાને આગળ વધારવા વિનંતી કરીએ છીએ જે અમારા નાના-વ્યવસાય હોટલ માલિકોને નિશ્ચિતતા પ્રદાન કરવામાં મદદ કરશે.”

સરકારી અતિરેકથી રક્ષણ

28 એપ્રિલના રોજ ગવર્નમેન્ટ બિલ લી દ્વારા કાયદામાં હસ્તાક્ષર કરાયેલ પ્રોટેકટીંગ ટેનેસી બિઝનેસ એન્ડ વર્કર્સ એક્ટ, તેના પ્રાયોજકો અનુસાર સ્થાનિક સરકારોને એવા નિયમો પસાર કરવાથી અટકાવશે જે નાના વેપારીઓ અને કર્મચારીઓના કામના કલાકો, સમયપત્રક અને ઉત્પાદકતા અંગેના નિર્ણયોને અસર કરે છે. અમેરિકન હોટેલ એન્ડ લોજિંગ એસોસિએશનએ એક નિવેદનમાં જણાવ્યું હતું કે, તાજેતરના વર્ષોમાં, કેટલાક શહેરો અને નગરપાલિકાઓએ હાનિકારક નિયમોવાળી હોટલોને નિશાન બનાવી છે અને ગયા વર્ષે જ્યોર્જિયામાં સમાન કાયદો બન્યો છે.

AHLA ના પ્રમુખ અને CEO ચિપ રોજર્સે જણાવ્યું હતું કે, “ટેનેસી એમ્પ્લોયરો માટે વ્યવસાય શરૂ કરવા માટે અને આ કાયદા જેવી કોમનસેન્સ નીતિઓને કારણે આજીવિકા મેળવવા માટે શ્રમિકો માટે ટોચનું રાજ્ય છે.” “અમે ગવર્નર અને રાજ્યના સેનેટરોની પ્રશંસા કરીએ છીએ.