કોરોના પછી દરેક પ્રકારના પ્રવાસ નવસંચારનો અનુભવ કરી રહ્યા છે અને તેમા ક્રુઝનો પણ સમાવેશ થાય છે, એમ રિસ્ક એન્ડ ક્રાઇસિસ રિસ્પોન્સ પ્રોવાઇડર ગ્લોબલ રેસ્ક્યુએ જણાવ્યું હતું. કેટલાકને તેમના સ્થળ અંગે ચિંતા હો છે, પરંતુ મોટાભાગના તો દરિયાઈ પ્રવાસ માટે તૈયાર છે.
ગ્લોબલ રેસ્ક્યુ ટ્રાવેલર સેન્ટિમેન્ટ એન્ડ સેફ્ટી સર્વે અનુસાર, 30 ટકા ઉત્તરદાતાઓ બે વર્ષનાં રોગચાળા-સંબંધિત મુસાફરી પ્રતિબંધો પછી ક્યાં જવું, અથવા મુસાફરી પર પાછા ક્યારે આવવું તે અંગે થોડો ખચકાટ અનુભવી રહ્યા હતા. દરમિયાન, સર્વેક્ષણ મુજબ, 70 ટકા ઉત્તરદાતાઓ સામાન્ય રીતે અથવા ક્રુઝ જહાજો પર મુસાફરી કરવા માટે કોઈપણ પ્રકારની ચિંતાનો અનુભવ કરી રહ્યા નથી.
ગ્લોબલ રેસ્ક્યુના સીઇઓ અને યુએસ ડિપાર્ટમેન્ટ ઓફ કોમર્સ ખાતે યુએસ ટ્રાવેલ એન્ડ ટુરીઝમ એડવાઇઝરી બોર્ડના સભ્ય ડેન રિચાર્ડ્સે જણાવ્યું હતું કે, “સર્વેક્ષણમાં ભાગ લેનારા ઓગણીસ ટકા કહે છે કે તેઓ ગયા વર્ષની સરખામણીમાં ક્રુઝ સેવાને લઈને વધુ સલામતી અથવા વધુ સુરક્ષિત હોવાની લાગણી અનુભવે છે.
સેન્ટર્સ ફોર ડિસીઝ કંટ્રોલ એન્ડ પ્રિવેન્શનના તાજેતરના વિશ્લેષણ મુજબ, 91 જહાજો અમેરિકામાં સફર કરી રહ્યા છે, જેમાંથી સાતમાં બોર્ડ પર કોરોના વાયરસના કોઈ કેસ નોંધાયા નથી અને ચારમાં 0.3 ટકા અથવા ઓછા કેસો નોંધાયા છે.
બાકીના 80 જહાજોએ બોર્ડ પરકોરોનાના 0.3 ટકા કે તેથી વધુ કેસ નોંધ્યા હતા, જે CDC તપાસને આમંત્રણ આપે છે. આ તપાસમાં CDCના માર્ગદર્શનમાં ક્રુઝ જહાજોને નિવારક પગલાં અને સંભવિત વ્યક્તિગત નિરીક્ષણો, પેસેન્જર પરીક્ષણ અને માસ્ક પહેરવાની જરૂરિયાતોની યાદ અપાવવાનો સમાવેશ થાય છે.
ગ્લોબલ રેસ્ક્યુએ જણાવ્યું હતું કે મોટાભાગની વિદેશી સરહદો આંતરરાષ્ટ્રીય પ્રવાસીઓ માટે ખુલે છે, રિવેન્જ ટ્રાવેલ અને એલિવેટેડ કમ્ફર્ટ લેવલ ટ્રાવેલર્સ બધા પરિબળોને ધ્યાનમાં રાખીને પ્રવાસ ખેડી રહ્યા છે, એમ સરવેના તારણમાં સમજાવાયું છે. તેને ધ્યાનમાં રાખીને, 84 ટકા પ્રતિસાદીઓ રોગચાળાની શરૂઆતની તુલનામાં આજે મુસાફરી વિશે ઓછા ચિંતિત છે.
પ્રતિસાદીઓમાં સૌથી વધુ ચિંતા હોય તો કોવિડની હતી, જેમાં 15 ટકા લોકોએ કહ્યું હતું કે યુએસની પુનઃપ્રવેશની જરૂરિયાતોને પહોંચી વળવા માટે નકારાત્મક COVID-19 પરીક્ષણ પાસ કરવું એ તેમની મુખ્ય ચિંતા છે.
રિચાર્ડ્સે જણાવ્યું હતું કે, “35 ટકા પ્રવાસીઓ કહે છે કે COVID-19 માટે સકારાત્મક પરીક્ષણ, લક્ષણો હોવા અને ઘરથી દૂર ફસાયેલા રહેવું એ આંતરરાષ્ટ્રીય મુસાફરી વિશેનો તેમનો સૌથી મોટો ડર છે.”
અમેરિકન હોટેલ એન્ડ લોજિંગ એસોસિએશન દ્વારા કરવામાં આવેલ અન્ય એક તાજેતરના સર્વેક્ષણમાં જાણવા મળ્યું છે કે ગેસના ભાવ અને ફુગાવો કોવિડ-19ની ચિંતા કરતાં પ્રતિસાદીઓના ઉનાળાના પ્રવાસના નિર્ણયોને વધુ અસર કરશે.
