STRના મે 2023ના નફા અને નુકસાનના ડેટા અનુસાર નોંધપાત્ર મજૂરી ખર્ચ સાથે જોડાયેલી નબળી આવક વૃદ્ધિના લીધે યુએસ હોટેલ્સનો GOPPAR પાછલા મહિનાની તુલનામાં ઘટ્યો છે. વસંતઋતુના ખર્ચાઓને સરભર કરવા માટે ઉનાળો વધુ આવક લાવે તેવી અપેક્ષા છે.
મે 2023માં GOPPAR $83.86 પર પહોંચ્યો, જે 2022માં સમાન મહિનાની સરખામણીમાં 2.6 ટકાના ઘટાડાનું પ્રતિનિધિત્વ કરે છે. TRevPAR $222.78 પર હતો, જે 4.1 ટકાનો વધારો દર્શાવે છે, જ્યારે EBITDA PAR ની રકમ $61.16 હતી, જે મે 2020 ના 7.2 ટકા ઘટી હતી. શ્રમ ખર્ચમાં નોંધપાત્ર વધારો થતાં તે વધીને $72.82 સુધી પહોંચ્યો, જે 13.6 ટકાના વધારાને દર્શાવે છે.
“મજબૂત શ્રમ ખર્ચ સાથે જોડાયેલી નબળી આવક વૃદ્ધિને કારણે 16 મહિનામાં પ્રથમ વખત GOPPARમાં વાર્ષિક ધોરણે ઘટાડો થયો,” એમ STR ની નાણાકીય કામગીરીના ડિરેક્ટર રાક્વેલ ઓર્ટિઝે જણાવ્યું હતું. “મજૂર ખર્ચમાં વધારો આવક કરતાં લગભગ ત્રણ ગણો હતો, પરંતુ તેમ છતાં, કુલ આવકમાં ઘટાડો અને સેવાઓ, રોજગારનું નીચું સ્તર અને કામગીરીમાં ફેરફાર દ્વારા ખર્ચનું સંચાલન કરવાને કારણે નફાના માર્જિનમાં વધારો થતો રહે છે. ઉનાળા સાથે, અમે મજબૂત માંગ અને આવક વૃદ્ધિની અપેક્ષા રાખી શકીએ છીએ જે વસંતઋતુના અંતમાં જોવા મળતા કેટલાક ખર્ચાઓનો સામનો કરશે.”
ટોચના 25 બજારોમાં, 10 મે 2022ના નીચા GOPPAR સ્તરનો અનુભવ કર્યો, જેમાં લાસ વેગાસ સૌથી નીચો ઇન્ડેક્સ ધરાવે છે, જે 2022 માં જોવામાં આવેલા સ્તરના 63 ટકા પર છે.
“લેઝર ડેસ્ટિનેશન ઓહુ આઇલેન્ડે અસાધારણ કામગીરી દર્શાવી છે, જે GOPPAR ઇન્ડેક્સની દ્રષ્ટિએ અન્ય મોટા બજારોને પાછળ છોડી દે છે,” એમ ઓર્ટિઝે ઉમેર્યું. “વધુમાં, શિકાગો જેવા વ્યાપાર-કેન્દ્રિત બજારોએ આ માપદંડમાં તેની ક્ષમતા દર્શાવી હતી. વધુમાં, જૂથ-આશ્રિત બજારોએ વર્ષ-ટુ-ડેટ સારું પ્રદર્શન કરવાનું ચાલુ રાખ્યું છે, ન્યુયોર્ક સિટીએ મે 2022ની સામે 231 ટકાના નોંધપાત્ર GOPPAR ઇન્ડેક્સ નોંધાવ્યો છે.” ફેબ્રુઆરીમાં GOPPAR એ રોગચાળા પહેલાના તુલનાત્મક સમયગાળાના સ્તરને વટાવી દીધું હતું અને ઓક્ટોબર 2022 પછી તે સૌથી વધુ હતું, STRએ જણાવ્યું હતું.
