“ધ પટેલ મોટેલ સ્ટોરી”, જે 2025ના ટ્રિબેકા ફિલ્મ ફેસ્ટિવલમાં પ્રીમિયર થયેલ દસ્તાવેજી ફિલ્મ છે, તે યુ.એસ.માં દક્ષિણ એશિયન ફિલ્મ ફેસ્ટિવલમાં પ્રદર્શિત થશે, જેમાં સિએટલ, સાન ફ્રાન્સિસ્કો, ન્યુ ઓર્લિયન્સ અને ઓર્લાન્ડો, ફ્લોરિડા, તેમજ વાનકુવર, કેનેડાનો સમાવેશ થાય છે. આ ડોક્યુમેન્ટરી દક્ષિણ એશિયન ઇમિગ્રન્ટ્સ, ખાસ કરીને પટેલો અને યુ.એસ. હોટેલ ઉદ્યોગમાં તેમની ભૂમિકા પર પ્રકાશ પાડે છે.
એમી-વિજેતા નિર્માતાઓ અમર શાહ અને રાહુલ રોહતગી દ્વારા ફિલ્માવવામાં આવેલી આ ડોક્યુમેન્ટરી મહેન્દ્ર દોશીના દાયકાઓના સંશોધન પર આધારિત છે.
“મને આનંદ છે કે મુખ્ય પ્રવાહના અમેરિકન મીડિયા હવે પટેલ હોસ્પિટાલિટી સ્ટોરીને ઓળખી રહ્યા છે,” એમ દોશીએ એશિયન હોસ્પિટાલિટીને જણાવ્યું હતું. પટેલ હોટેલિયર્સે અપ્રતિમ સફળતા મેળવી છે. પટેલ હોસ્પિટાલિટી કથા એક અનોખી અમેરિકન ઇમિગ્રન્ટ વાર્તા છે, જે અમેરિકાને તકોની ભૂમિ તરીકે દર્શાવે છે જ્યાં સખત મહેનત, ખંત અને સંકલ્પ દ્વારા સફળતા મેળવી શકાય છે."
તેમણે ધ પટેલ મોટેલ સ્ટોરીના નિર્માતાઓ અને દિગ્દર્શકોને મોટા પડદા પર લાવવા બદલ પ્રશંસા કરી. "આ વાર્તા કહેવાની જરૂર છે," એમ દોશીએ જણાવ્યું હતું. દોશીનું પુસ્તક, "સુરત ટુ સાન ફ્રાન્સિસ્કો: હાઉ ધ પટેલ્સ ફ્રોમ ગુજરાત એસ્ટાબ્લિશ્ડ ધ હોટેલ બિઝનેસ ઇન કેલિફોર્નિયા 1942–1960", યુ.એસ. હોસ્પિટાલિટી ઉદ્યોગમાં ભારતીય ઇમિગ્રન્ટ્સના ઇતિહાસનું વર્ણન કરે છે. આ ફિલ્મમાં પટેલો સાથેના ઇન્ટરવ્યુ, આર્કાઇવલ સામગ્રી અને AAHOA સંમેલનોમાંથી તેમના દ્વારા રજૂ કરવામાં આવેલા વિઝનોનો સમાવેશ થાય છે.
"તમે હિલ્ટન, હયાત અને મેરિયોટ વિશે સાંભળ્યું હશે. પરંતુ પડદા પાછળ, અમેરિકાના 60 ટકાથી વધુ મોટેલ દક્ષિણ એશિયન પરિવારો દ્વારા ચલાવવામાં આવે છે - જેમાંથી ઘણા પટેલ છે," એમ શાહે સોશિયલ મીડિયા પર લખ્યું હતું."આ કાકાઓ અને કાકીઓ માટે છે જેમણે અમને રૂમની ચાવીઓ અને જીવન પાઠ આપ્યા. અને આગામી પેઢી માટે પોતાની સફળતાઓની ગાથા છોડી જાવ.
સાન ફ્રાન્સિસ્કોમાં ટેન્ડરલોઇન મ્યુઝિયમ 2026 માં ઇન્ડો-અમેરિકન હોટેલિયર ઇતિહાસ પ્રદર્શન શરૂ કરશે, જે યુ.એસ. હોટેલ ઉદ્યોગમાં ભારતીય ઇમિગ્રન્ટ્સના યોગદાનને પ્રકાશિત કરશે.
